წესები და პირობები

1. ტერმინები

• კომპანია — შპს „სთრონგ ვეი ლოჯისტიქსი", ს/კ 405844742.
• კლიენტი — ფიზიკური ან იურიდიული პირი, რომელიც უკვეთავს მომსახურებას.
• ტვირთი — გადასაზიდად გადმოცემული საქონელი.
• მომსახურება — საექსპედიტორო მომსახურება: ტვირთის მიღება, კონსოლიდაცია, გადაზიდვა, შენახვა, ტერმინალის და საბაჟო მომსახურება, მიწოდება.

2. მომსახურების შეკვეთა

• შეკვეთა ფორმდება წერილობით ან ელექტრონული საშუალებით (ვებგვერდი, ელფოსტა, WhatsApp, პორტალი).
• კლიენტი ვალდებულია მოგვაწოდოს ზუსტი ინფორმაცია ტვირთის შესახებ: დასახელება, რაოდენობა, წონა, მოცულობა, ღირებულება და თანმხლები დოკუმენტები.
• ფასი დგინდება ინდივიდუალურად და დასტურდება შეკვეთის დადასტურებით ან ინვოისით. ვებგვერდზე მითითებული ტარიფები საორიენტაციოა და არ წარმოადგენს საჯარო ოფერტს.

3. ანგარიშსწორება

• ინვოისი ანაზღაურდება გამოწერიდან 2 სამუშაო დღეში, თუ წერილობით სხვა ვადა არ შევათანხმეთ.
• ტრანსპორტირების ინვოისი გამოიწერება აშშ დოლარში; ტერმინალის და საბაჟო მომსახურების ინვოისი — ლარში.
• გადახდის ვადის გადაცილებისას კომპანია უფლებამოსილია შეაჩეროს ტვირთის გაცემა დავალიანების სრულ დაფარვამდე.
• საწყობში ტვირთის შენახვა უფასოა შეთანხმებული ვადით; ვადის გადაცილების შემთხვევაში ერიცხება შენახვის საფასური.

4. კლიენტის ვალდებულებები

• მოგვაწოდოს უტყუარი ინფორმაცია და სრული დოკუმენტაცია. არასწორი მონაცემებით გამოწვეულ ჯარიმებსა და დაყოვნებაზე პასუხისმგებლობა კლიენტს ეკისრება.
• უზრუნველყოს, რომ ტვირთი არ არის აკრძალული ან შეზღუდული საქართველოს ან ტრანზიტის ქვეყნების კანონმდებლობით.
• წინასწარ წერილობით შეგვატყობინოს საშიში, მალფუჭებადი, ტემპერატურული ან მაღალღირებულებიანი ტვირთის შესახებ.
• დროულად აანაზღაუროს მომსახურების ღირებულება.

5. აკრძალული ტვირთი

გადაზიდვაზე არ მიიღება: ნარკოტიკული საშუალებები, იარაღი და საბრძოლო მასალა, ფეთქებადი და რადიოაქტიური ნივთიერებები, ნაღდი ფული და ფასიანი ქაღალდები, ადამიანის ორგანოები, კონტრაფაქციული პროდუქცია, აგრეთვე ნებისმიერი საქონელი, რომლის გადაზიდვაც აკრძალულია კანონით. ასეთი ტვირთის აღმოჩენისას კომპანია აჩერებს გადაზიდვას და ატყობინებს შესაბამის ორგანოებს.

6. ვადები და პასუხისმგებლობა

• მიწოდების ვადა საორიენტაციოა და დამოკიდებულია გადამზიდავზე, საბაჟო პროცედურებზე და ამინდზე.
• კომპანია არ აგებს პასუხს ფორსმაჟორით (სტიქია, ომი, გაფიცვა, საზღვრის ჩაკეტვა, სახელმწიფო ორგანოს გადაწყვეტილება) გამოწვეულ დაყოვნებაზე ან ზიანზე.
• პასუხისმგებლობა არ ვრცელდება ტვირთის ბუნებრივ თვისებებზე, არასათანადო შეფუთვაზე ან კლიენტის მიერ მოწოდებული არასწორი ინფორმაციის შედეგებზე.
• ჩვენი პასუხისმგებლობა შემოიფარგლება საერთაშორისო კონვენციებით და ხელშეკრულებით დადგენილი ზღვრებით და არ მოიცავს არაპირდაპირ ზიანს ან მიუღებელ შემოსავალს.

7. პრეტენზია

ტვირთის დაზიანების ან დანაკლისის შესახებ პრეტენზია უნდა წარმოადგინოთ წერილობით ტვირთის მიღებიდან 3 სამუშაო დღეში, დამადასტურებელ დოკუმენტებთან ერთად. ამ ვადის გასვლის შემდეგ ტვირთი ჩაბარებულად ითვლება პრეტენზიის გარეშე.

8. ტვირთის თრექინგი

ვებგვერდზე და პორტალში ხელმისაწვდომია ტვირთის სტატუსის თვალყურის დევნება თრექინგ კოდით. სტატუსი ინფორმაციული ხასიათისაა და შესაძლოა განახლდეს დაყოვნებით.

9. ინტელექტუალური საკუთრება

ვებგვერდის დიზაინი, ლოგო, ტექსტები და გრაფიკა კომპანიის საკუთრებაა. მათი გამოყენება წერილობითი ნებართვის გარეშე აკრძალულია.

10. მოქმედი კანონმდებლობა

ურთიერთობა რეგულირდება საქართველოს კანონმდებლობით. დავა, რომელიც მოლაპარაკებით ვერ გადაწყდა, განიხილება საქართველოს სასამართლოში.

11. საკონტაქტო ინფორმაცია

კითხვების შემთხვევაში დაგვიკავშირდით: (+995) 596 01 66 88 ან strongwaygeorgia@gmail.com.